Instituti i Statistikave Historike të Futbollit, (IFFHS), në pritje të ndarjes së çmimeve zyrtare nga ana e UEFA-s, ka vendosur që të shpallë formacionin, ose skuadrën më të mirë të vitit, duke u bazuar në statistikat e çdo lojtari, sipas roleve të tyre.
Prezent në të nuk mund të mungonte Robert Levandovski, sulmuesi polak i Bajernit të Mynihut, i cili ka zhvilluar një vit fantastik në aspektin personal. Sigurisht, Leva ndodhet në majën e sulmit përkrah Lionel Mesit dhe Kristiano Ronaldos, të cilët pavarësisht moshës, vijojnë ende të jenë në majat e futbollit.