Eshtë kthyer në traditë festa e 31 Korrikut në qytetin e Burrel. Çdo vit kjo datë u kujton matjanëve Kryengritjen Popullore të 3000 luftëtarëve kundër pushtuesve italian.
Pranë Muzeut Historik Mat u zhvillua një ceremoni me pjesmarrjen e veteranëve të bashkive Mat e Klos, qytetarëve të Burrelit, këshilltarëve bashkiak dhe drejtuesve të institucioneve lokale.
Drejtoresha e muzeut, Suzana Kurti dhe kryetari i Organizatës së LANÇ-it Mat, Sefer Duka sollën për të pranishmit fakte rreth kësaj kryengritje, ndoshta më e madhja në vend.
Në obeliskun kushtuar kësaj ngjarje historike u vendosën kurora me lule nga deputetja Aurora Mara, kryebashkiakët Agron Malaj e Valbona Kola, Prefektura Dibër, Ushtria, organizata e veteranëve, etj.
