Megjithëse fshati Batër e Vogël ndodhet afër qytetit të Burrelit banorët ankoheshin vazhdimisht për gjendjen e rënduar të rrugës.
Balta dhe gropat në dimër dhe pluhuri në verë, ishin kthyer në shqetësim për qytetarët e zonës. Kandidatët për deputetë dhe kryetarë bashkie e kanë premtuar asfaltimin e kësaj rruge prej vitit 1991.
“Rruga e Fshatit Batërr e Vogël e ndriçuar. Pasi kemi asfaltuar rrugën, përfunduam ndriçimin e saj dhe do të vijojmë me investimin në sistemimin dhe rehabilitimin e trotuarit.”, shkruan kreu i bashkisë Mat, Agron Malaj.
Vetëm ditët e fundit ka përfunduar asfaltimi i 1.6 km që është faza e parë e projektit.
Sakaq, bashkia Mat ka mundësuar ndriçimin e rrugës dhe në ditët që vijnë do të ndërtohet edhe trotuari.
Kjo rrugë do t’u shërbejë edhe qytetarëve të Burrelit si një nyje me rëndësi për të aksesuar të tjera atraksione në këtë zonë me potencial të jashtëzakonshëm zhvillimi
