Garda e Republikës nuk ka lejuar që 8 deputetët e PD-së së Rithemelimit, të përjashtuar nga punimet e Parlamentit të futen në Kryesinë e Kuvendit, ku pas debateve, ata kanë gjetur një rrugë. Nga një dritare e hapur në anën e rrugës, deputeti Bledion Nallbati u fut, si edhe ndihmoi kolegët.
Gazment Bardhi nuk iu është bashkuar në këtë mision duke qëndruar jashtë ambienteve të Kuvendit. “Në çdo xhiro që bëjmë rreth godinës ndiqemi nga Garda. Është lajm i mirë që qeveria merr në mbrojtje deputetët e opozitës”, tha Bardhi.
Kurse Sali Berisha doli dhe foli nga një dritare e Kryesisë së Kuvendit. “Kurrë në histori deputetët nuk janë ndaluar kurrë. Edi Rama ka frikë. Shikoni ku arrin verbëria e tij. Sipas tij ata që janë përjashtuar nuk mund të marrin pjesë. As Lukashenko nuk ka marrë vendim të tillë. Ne po mbrojmë kushtetutën nganjë bandë kriminale e kryesuar nga Edi Rama. Nuk lejohet kreu I grupit me ardhë në mbledhje. Garantoj Edi Ramën se ky është vetëm fillimi dhe deputetët opozitarë nuk tërhiqen, ndërsa ti po tregon fytyrën e vërtetë, turp”,-tha Berisha.
