Një krim në familje ka tronditur mbrëmjen e sotme të banorët e Ballshit. Gazemend Musta i moshës 34-vjeçare mësohet se ka qëlluar për vdekje duke vrarë gruan e tij 31-vjeçare dhe kunatën e tij, motrën e bashkëshortes, 18-vjeçare.
Mësohet se autori kishte thirrur motrën e gruas për drekë, por më pas gruaja e 34-vjeçarit i ka kërkuar atij që të mos pinte më alkool dhe të shkonte tek prindërit, këtu ka nisur edhe debati.
Pasi autori i ngjarjes, ka qëlluar të shoqen ka ndërhyre kunata për të mbrojtur motrën, por edhe e atë ka sulmuar me thikë.
Viktimat e kësaj ngjarje të rëndë janë gruaja Gentiana Caushaj dhe motra e saj Merisa Caushaj. Ndërkohë që autori i ngjarjes mësohet të ketë qenë në gjendje të dehur.
“Specialistët për Hetimin e Krimeve në Komisariatin e Policisë Mallakastër bënë arrestimin në flagrancë të shtetasit G.M, 34 vjeç.Arrestimi i këtij shtetasi u bë pasi dyshohet se në gjendje të dehur, rreth orës 17.30 në banesën e tij në Ballsh, për motive të dobëta, ka vrarë me thikë bashkëshorten e tij, shtetasen G.C, 31 vjeçe si edhe motrën e bashkëshortes, shtetasen M.C, 18 vjeçe, të cilat kanë ndërruar jetë në vend.Grupi hetimor po punon për zbardhjen e plotë të kësaj ngjarje”, njofton policia.