Policia e Tiranës njoftoi sot se u arrestuan tre persona të dyshuar për vrasjen e Jurgen Kurtit të cilëve u është sekuestruar një pistoletë, automjete luksoze, shumë para dhe drogë.
Një prej tyre është Olsi Qalliaj nga Patosi. Nga profili i tij në Facebook, 22-vjeçari dallohet për jetën luksoze që bën, pavarësisht në këtë moshë.
Qalliaj u arrestua bashkë me dy të tjerë, të cilët janë miq të tij, që dyshohen si autorë të vrasjes së menaxherit të VIP-ave në Tiranë. Policia nuk bën të ditur detaje të tjera për shkak të hetimeve.
