Kryeministri Edi Rama ka nisur të mbajë sërish shënime dhe të bëjë disa ‘piktura’ me dorë të lirë. Teksa pasditen e sotme, kryeministri publikoi një video-komunikim me qytetarët në profrilin e tij në Facebook, ajo që ra në sy ishte dora e Ramës që nuk pushonte.
Këtë gjë kryeministri Edi Rama e ka bërë gjithmonë. Madje ka hapur edhe një ekspozitë me titullin “Shënime Fantastike” në Vjenë, në vitin 2018. Aty kryeministri prezantoi të gjithë shënimet e tij të mbante gjatë mbledhjeve të përditshme.
“Këto vizatime më shoqërojnë gjatë çdo dite të aktivitetit tim politik. Janë punime që lindin gjatë takimeve, bisedave telefonike dhe fazave të të menduarit. Këto janë shënime nga tryeza e Kryeministrit,”- shprehej në atë kohë Rama.
