Lumbardh Salihu, fitues i ”Big Brother Kosova Vip 2”, muajt e fundit e kemi parë të angazhuar në politikë. Edhe pse një figurë e re, shumë interesant me objektivat dhe një fushatë elektorale shumë unike, ai nuk arriti që të siguronte mandatin si deputet pranë LDK-së, forcës politike ku aderon. Edhe pse javët e fundit ka qëndruar në heshtje, duket se Lumi po shijon dhe po çlirohet nga puna disa mujore.
Edhe pse fushata ka kosto, duket se qejfin vetes nuk ja ka mohuar, dhe ka shpenzuar. Në një foto të publikuar në Instastory, Lumi është shfaqur teksa mban një çantë ”Goyard” e cila në pamje të parë është një vepër arti, por edhe çmimi nuk qëndron pas.
Një çantë e markës së mirënjohur franceze që kap shifrën 4500 euro. Goyard është një prodhues francez i bagazheve i themeluar në vitin 1853 në Paris. I njohur për një stil shumë të detajuar dhe të veçantë, e tillë është edhe çanta që Lumi ka zgjedhur, një model jo shumë në sasi, por i kripur në çmim.
