Një ngjarje e çuditshme ka ndodhur në një hotel në lagjen Beyoglu të Stambollit.
Mediat lokale raportojnë se një grua hyri në hollin e hotelit duke kërkuar nga punonjësit që të tregonin dhomën ku gjendej burri i saj, të cilin tha se e kishte parë të futej aty me një femër tjetër.
Përballë hezitimit të punonjësve të hotelit, gruaja filloi të zhvishej duke kërkuar me ngulm që t’i gjenin burrin.
“Nuk dal pa ardhur Adnani këtu”, shprehej ajo. Punonjësit njoftuan policinë për të zgjidhur problemin, ndërsa gjithçka u filmua nga kamerat e sigurisë.
Në fund, Adnani nuk zbriti, por gruaja e Adnanit u bë lajm në të gjithë botën.