Prokuroria e Tiranës sekuestroi pasuri me vlerë 50 milionë euro të Krisjan Boçit. Ai dhe Drilona njihen për jetën e luksit që kanë bërë prej vitesh. Çifti është martuar në vitin 2008 dhe janë prindër të dy fëmijëve. Para 6 viteve ata festuar 10 vjetorin e martesës së tyre, ku organizuan një dasmë të dytë shumë luksoze me 115 të ftuar të afërm të tyre dhe personazhe VIP.
Për eventin e organizuar në një ambjent luksoz të Tiranes ishin zgjedhur për dekorim rreth 30 mijë lule të freskëta natyrale të cilat veshën gjithë ambientin nga tavani në dysheme, ku vetëm këto lule pa shtuar asnjë detaj tjetër kushtuan 250 milionë lekë të vjetra.
Ftesa ishte një vepër arti më vete. Drilona ishte frymëzuar nga një dasmë libaneze, për formën e këpucës së Hirushes. Ajo mbante një lule lavander dhe ishte e parfumosur me Tom Ford Noir de Noir. Për të shtuar detajet e luksit, Drilona kishte zgjedhur një fustan bojëqielli “Dolce & Gabbana”, të cilin e kishte shoqëruar me këpucë qelqi, për ta kthyer veten në një Hirushe.
