Në një kohë kaosi dhe lufte në të cilën ndodhet Ukraina, presidenti i saj, Volodymyr Zelensky gjeti kohën të vizitojë nga afër banorët e Kievit të janë plagosur gjatë evakuimeve.
Zelensky ka menduar t’u dhurojë buqeta me lule të shtruarëve në spital, ndërsa vizitoi familjen Vlasenko, e cila u sulmua nga pushtuesit rusë gjatë evakuimit nga qyteti Vorzel, Rajoni i Kievit.
Presidenti i ofroi familjes Vlasenko lule, ëmbëlsira dhe fruta.
Bazuar në informacionet që jep Zyra e Presidentit të Ukrainës, familja Vlasenko u zhvendos në Rajonin e Kievit nga Krimea, kur gadishulli u pushtua nga Rusia, pasi ata nuk donin të merrnin nënshtetësinë ruse.
Në spital, Presidenti i Ukrainës komunikoi edhe me banorë të tjerë të Rajonit të Kievit, të cilët po trajtohen në spital.
