Një tjetër projekt i qeverisë është promovuar këtë mëngjes nga kryeministri Edi Rama. Teksa iu ka uruar ndjekësve një ditë të mbarë, Rama ka postuar në facebook foto të projekt të rilindjes së moleve në Liqenin e Shkodrës.
Kreu i qeverisë thekson edhe se me këtë projekt rikthehet lundrimi turistik në liqen përmes natyrës së bekuar të Shkodrës-Shirokës-Zogaj dhe Vir Pazarit.
“MIRËMËNGJES dhe me një tjetër projekt të shumëpritur, atë të rilindjes së moleve në Liqenin e Shkodrës, për të rikthyer së shpejti, pas shumë e shumë kohësh, lundrimin turistik në liqen, përmes natyrës së bekuar të Shkodrës-Shirokës-Zogaj dhe Vir Pazarit, falë punës së Fondit Shqiptar të Zhvillimit, ju uroj një ditë të mbarë”,-shkruan Rama.