Shqipëria turistike si kurrë më parë këtë verë ka pushtuar jo vetëm mediat europiane, por ka edhe fluksin më të madh të turistëve që zgjedhin plazhet e vendit tonë. Kryeministri Edi Rama ka publikuar një tabelë nga “Eurocontrol Network”, ku thekson se Shqipëria turistike është e para në Europë për rritjen e fluksit të fluturimeve.
Një raport i Eurocontrol Flights tregon se Shqipëria zë vendin e parë në Europën Juglindore për rritjen e fluksit të fluturimeve. Raporti i referohet fluturimeve për javën 9-15 gusht. Krahasuar me vitin 2019, Shqipëria ka njohur një rritje prej 80% të fluksit të fluturimeve për periudhën 9-15 gusht.
“Ja dhe Shqipëria Turistike e para në Europë për rritjen e fluksit të fluturimeve, e pa hapur ende Aeroportin e ri Ndërkombëtar të Vlorës. Kthesa e madhe ka kohë që ka nisur, po ky është viti fantastik i shfaqjes së saj në sytë e të gjithëve, si fakt i pamohueshëm i përpjekjes së gjithanshme të gjithë këtyre viteve, duke u nisur nga vrima e fundit e kavallit”,-shkruan Rama.
Në raportin e Eurocontrol Flights vihet re se Shqipëria ka lënë pas jo vetëm vende nga Bashkimit Europian, por edhe Kroacinë, Greqinë, ndër vendet me truizmin më të zhvilluar në Ballkan.
