Donald Trump e ka pritur me shumë qetësi disfatën e tij në zgjedhjet presidenciale në SHBA. Menjëherë pasi u bë publik lajmi i fitores së Biden, Trump është shfaqur duke bërë foto me një çift të sapomartuarish në Klubin e Golfit, në Virginia.
Presidenti sapo zbriti nga makina e golfit në klubin e Sterling, u rrethua nga një grup dasmorësh që po bënin fotot e ceremonisë. Një prej mbështetësve të tij ishte dhe nusja e re e cila i kërkoi kreut të Shtëpisë së Bardhë një foto për të shënjuar këtë moment të rëndësishëm për jetën e saj.
Pavarësisht presionit që kishte Trump ndaloi për të folur dy fjalë me nusen e re dhe më pas doli foto me të dhe shoqërueset e saj. Ai më pas e uroi vajzën për një jetë të lumtur për t’u larguar drejt klubit të golfit.
Trump nuk e pranon fitoren e Biden që prej disa orësh po merr vëmendjen e gjithë mediave dhe liderëve botërorë teksa ka paralajmëruar se do të nisë betejën ligjore. Mediat amerikane raportojnë se asnjë mbështetës i Trump nuk ka dalë ta presë atë para Shtëpisë së Bardhë.
