Sot do të flasë ligji, pra Gjykata e Apelit do të japë vendimin se kujt grup në PD i takon vula. Siç shihet edhe në foton e mëposhtme, interesi nga media është i lartë dhe janë vendosur në derën e Gjykatës në pritje të vendimit. Vendimi i sotëm është mbi ankimimin e Alibeajt ku kërkohet rrëzimi i vendimit të gjyqtarit Agron Zhukri për njohjen si legjitim të kuvendit të 18 dhjetorit.
Po në këtë ditë, kreu demokrat Sali Berisha ka thirrur protestë kombëtare, që sipas tij nuk ka të bëjë me vendimin e gjykatës, por me rrëzimin e qeverisë Rama.
Protesta kombëtare e thirrur para kryeministrisë do të nisë në orën 12:00 dhe një ditë më parë policia njoftoi planin e masave dhe rrugët që do të bllokohen nga ora 10:00 deri në fund të protestës.
