Në fjalën e saj të parë në nisje të sesionit të ri parlamentar, kryetarja Lindita Nikolla ka njoftuar se kreu i grupit të PD-së është Lulzim Basha, pasi nga kjo detyrë u shkarkua Gazment Bardhi. Ky njoftim ka nxitur debate mes palëve në PD.
Në momentin kur Nikolla po prezantonte ndryshimet në fjalë para deputetëve, Gazment Bardhi i qeshi në fytyrë Lulzim Bashës, ndërsa më pas mes tyre ka pasur një debat verbal, teksa shihen të ulur pranë njëri-tjetrit.
“Sot në orën 9 kam marr një njoftim nga PD e cila më drejtohet që në zbatim të rregullores së parlamentit, më vënë në dijeni se kryetari i grupit është Basha”, tha Nikolla.Kreu i grupit të PS-së do jetë ish-ministri i Brendshëm, Bledi Çuçi.
Bardhi kërkoi që në sallën e Kuvendit deputetët e opozitës nuk duhet të provokohen. Sipas tij, kreun e grupit parlamentar të Partisë Demokratike nuk e zgjedh dot Partia Socialiste.
