Pasi maska u bë një detyrim për të gjithë qytetarët, si masë mbrojtëse për mospërhapjen e Covid-19, duket se shumë qytetarë nuk e kanë ende të lehtë adaptimin me këtë masë të re të qeverisë.
Të gjithë ata që nuk e respektojnë këtë masë gjobiten nga 3000-5000 lekë të reja.
Gjobës nuk i ka shpëtuar edhe një qytetar nga Berati, i cili ka vendosur të mos e mbaj maskën duke u gjobitur nga efektivi i policisë me shumën prej 3 mijë lekësh të reja.
Në fletën e gjobës qytetari ka bërë edhe një deklaratë të pazakontë: “Poshtë komunizmi”, shkruan ai, duke shprehur indinjatën e tij me këtë rregull anti-covid të vendosur së fundmi nga qeveria.
