Mjeku kardiolog Edvin Prifti është paraqitur sot vetë në Gjykatën Kundër Krimit të Organizuar dhe Korrupsionit, ku ka nisur seanca në ngarkim të gjyqtares Enkelejda Hoxha dhe 9 të arrestuarve të tjerë. Siç shihet edhe në foto, mjeku kardiolog i cili u pezullua nga detyra pasi akuzohet se i mori ryshfet një pacienteje për ta operuar jashtë radhe, ka shkuar vetë në gjykatë.
Ai është i veshur me pallto të gjatë, kollare dhe maskë kundër COVID19, teksa në krah të tij qëndron një grua. Prokuroria kërkon sot ndryshimin e masës së sigurisë për Priftin dhe arrestimin e tij.
Po ashtu, ai akuzohet për korrupsion pasiv dhe pastrim parash, pasi sipas prokurorisë nuk arrin të justifikojë vlerën prej 250 mijë euro që iu gjet në banesë.
