Franca ka vendosur që të vendosë masa më të ashpra kufizuese kundër pandemisë covid-19, kjo pas regjistrimit të rekordit të rasteve të reja dhe përhapjes së frikshme të variantit Omicron.
Sipas vendimit që pritet të zyrtarizohet këto ditë, nga 3 janari, puna nga shtëpia do të bëhet e detyrueshme për ata që kanë mundësi, ndërsa tubimet publike do të kufizohen në 2 mijë persona për organizimet në mjedis të mbyllur.
Lajmi vjen në kohën kur Franca regjistroi mbi 100.000 raste me Covid-19 të shtunën, që është shifër rekord që nga fillimi i pandemisë. Megjithatë, kryeministri francez nuk vendosi për orë policore në natën e Vitit të Ri.