Një prift katolik romak është vrarë në Francën perëndimore.
Trupi i Olivier Lemaire u gjet në Saint-Laurent-sur-Sèvre, një fshat i vogël në zonën e Vendée, të hënën në mëngjes, raportojnë mediat franceze.
Ata thonë se një azilkërkues i dështuar nga Ruanda, i cili ishte strehuar nga prifti, më vonë u dorëzua dhe pranoi vrasjen. Burri dyshohet gjithashtu për nisjen e një zjarri që dëmtoi katedralen në qytetin e afërt të Nantes vitin e kaluar.
Ministri i Brendshëm Gérald Darmanin ofroi mbështetjen e tij për katolikët dhe është duke shkuar në zonë.
Në Tuitter, ministri kritikoi një postim të politikanes së krahut të djathtë, Marine Le Pen, e cila pyeti pse burri i dyshuar për fillimin e zjarrit në Nantes nuk ishte dëbuar.
Darmanin tha se megjithëse kërkesa për azil e atij personi ishte refuzuar, ai nuk mund të dëbohej ndërsa hetimet për sulmin me zjarrvënie të vitit të kaluar ishin ende në proces.
Zjarri shpërtheu në katedralen e Nantes, duke shkatërruar dritaret me njolla. Zjarri erdhi muaj pas flakëve shkatërrues të vitit 2019 në katedralen Notre-Dame në Paris.