Në një diskotekë në Francë, një shqiptar parandaloi një sulm me armë zjarri.
Ngjarja ndodhi pas ndërrimit të viteve, në Avallon të Francës ku një person i armatosur hyri në ambjentet e një diskoteke.
Fillimisht ai e la armën jashtë dhe më pas u fut në diskotekë. Pikërisht në këtë moment, një shqiptar nga Kosova, i identifikuar si Bujar Muli e goditi me grushte agresorin duke arritur që ta ndalojë.
Më pas, siç duket edhe në video, shqiptari është ndihmuar nga disa persona të tjerë për të neutralizuar të riun që kishte ndërmend të kryente sulmin.
“Falënderimi i takon Allahut që na mundësoi të dalim fitimtar. Një person vjen me kallashnikov në diskotekë, por falë Zotit dolëm me faqe të bardhë. S’ka lojë me ne Shqiptarët”, shkruan shqiptari sipër videos, të cilën e ka postuar në profilin e tij në Facebook.