Forumi i Rinisë Socialiste Lezhë ka ndërmarrë një “turne investigimi” nëpër të gjitha njësitë administrative të rrethit Lezhë, me qëllim evidentimin e problematikave dhe punëve që mbulon Bashkia Lezhë, e cila kohët e fundit është transferuar në Tiranë për protestë. Ky turne duket qartë se është në shërbim të zgjedhjeve lokale të 30 qershorit.
“Sot jemi ndaluar në njësinë administrative Shënkoll, respektivisht në fshatin Rrilë. Një fshat i cili ka degraduar dhe është lënë në harresë totale nga Bashkia Lezhë. Rruget, shkolla, lagjet, fushat dhe hapësirat argëtuese për të rinjtë në rastin më të keq nuk ekzistojnë dhe në rastin më të mirë janë të amortizuara si mos më keq. Ky degradim dukshem vjen nga mos vemendja e Kryetarit të Bashkisë për vendlindjen e tij”, thanë të rinjtë socialistë.