Ashtu si në çdo protestë tjetër tjetër të opozitës, edhe për atë të ditës së nesërme, janë blinduar dyert e godinës së Kryeministrisë.
Ky vendim është marrë nga frika e ndonjë revolte të mundshme nga ana e protestuesve të cilët mund të tentojnë të hyjnë brenda në Kryeministri, edhe pse ish-Kryeministri Sali Berisha ka deklaruar se protesta do jetë paqësore.
Protesta do të nisë në orën 19:00 ku protestuesit do të mblidhen fillimisht në sheshin “Skënderbej” dhe atë “Nënë Tereza” dhe më pas do të bashkohen para godinës së Kryeministrisë.
Gjatë orarit të protestës, kryeministri Edi Rama nuk do të jetë në Tiranë, por do të marrë pjesë në inagurimin e By Pass-it të Vlorës.
