Mungesa e yllit të popit Harry Styles në Met Gala ishte e bujshme, edhe pse është zbuluar se ai ka marrë një ftesë. Mirëpo, thuhet se me mirësjellje refuzoi të merrte pjesë në eventin pasi mësoi se të pranishëm do të ishin Olivia Wilde dhe Emily Ratajkowski.
Një mik i 29-vjeçarit Harry Styles tha për ‘DailyMail’ se këngëtari i famshëm britanik “shmangi” Met Gala sepse nuk donte të përfshihej në një “takim të vështirë” mes ish-it dhe të tashmes.
“Harry ishte i ftuar në Met Gala, por duke e ditur që të dyja do të shkonin, ai e shmangu atë si murtaja bubonike”, tha burimi.
Harry dhe Wilde u ndanë pas më shumë se një viti lidhje në nëntor 2022. Ndërkohë, në fund të marsit Styles është fotografuar duke shkëmbyer puthje me Ratajkowski në Tokio.