Të shumta kanë qenë zërat që kanë aluduar lidhur me një krisje të raportit mes motrave Lori dhe Sara Hoxha, aksionere në “Top Channel” dhe Arbana Osmanit. Në mesin e shumë zërave ishte edhe ai i një prej komentuesve në “Instagram”-in e Arbanës, teksa kjo e fundit publikoi një pjesë të emisionit të saj të radhës, i cili transmetohet të enjten.
“Fto një natë motrat Lori dhe Sara, mos e harro të shkuarën se e ardhmja nuk zgjat bukur pa e kthyer nganjëherë kokën pas”, shkruan komentuesi.
Si rrallë herë, Arbana ka zgjedhur t’i përgjigjet këtij komenti, duke sqaruar (deri diku) raportin me motrat Hoxha. Ajo shprehet se dy motrat e kanë derën hapur kurdoherë tek ajo. “S’ka nevojë për citate. Liri dhe Sara nuk kanë nevojë për ftesë në shtëpinë time se e kanë derën gjithmonë hapur”, shkruajti Arbana në përgjigje të komentit.
