Në postimin e fundit në facebook si President, krah fëmijëve si ditën që mori mandatin në vitin 2017, Ilir Meta tha se ka qenë nder dhe privilegj që të shërbente si President në këto 5 vite.
Por si rrallë herë, Meta ka zgjedhur që t’u përgjigjet komenteve të qytetarëve, duke dhënë më shumë detaje për rrugën e tij të re. Ai ka shkruar edhe se beteja të forta ka përpara, ndërsa një falënderim ka edhe për “popullin e 2 marsit”.
“Beteja të forta kemi përpara. Por a mund të arrish në maja pa bërë edhe pak malore? Malet tona më të larta! Një agim i ri nis nesër që do të rikthejë demokracinë dhe Llogaridhënien”, ka shkruar presidenti Meta. “E ndjeja përkrahjen e të gjithë shqiptarëve të ndershëm. Mirënjohje në veçanti për popullin e 2 Marsit për ndërgjegjen e lartë patriotike që tregoi”, shkroi Meta.
