Policia rrugore e Tiranës ka gjobitur një sërë mjetesh të transportit publik, pasi ndalonin në vende që nuk ishin stacion duke përbërë dhe burim aksidenti.
“Të cenosh sigurinë e një rruge të tërë për të marrë një pasagjer më shumë, është shkelje e rëndë, si për drejtuesin e mjetit, ashtu dhe për pasagjerët që rrinë në anë të rrugës dhe jo në vendin e caktuar për këtë shërbim”, thotë policia e Tiranës.
Të gjitha mjetet janë gjobitur me tre mijë lekë të reja, siç e përmban dhe Kodi Rrugor.