Teknologjia e informacionit dhe teknologjitë e avancuara të informacionit gjeo-hapësinor janë dy fusha prioritare të qeverisë shqiptare për zhvillimin e vendit.
Me një vendim të veçantë, qeveria ka përcaktuar se personat që kryejnë funksione në këto fusha dhe nënfusha të tyre do të marrin një shtesë të veçantë të kushtëzuar mbi pagën bruto për një periudhë 4-vjeçare.
Përfitues do të jenë nëpunësit e Agjencisë Kombëtare të Shoqërisë së Informacionit si dhe ato të Autoritetit Shtetëror për Informacionin Gjeo-hapësinor.
Në vendim janë përcaktuar qartë edhe shtesat mbi pagën, që shkojnë deri në 92 mijë Lekë, kjo për titullarin e institucionit të Agjencisë Kombëtare të Shoqërisë së Informacionit.
Ndërsa për specialistët dhe përgjegjësit e sektorëve përkatës janë caktuar shtesa nga 30 mijë Lekë deri në 70 mijë Lekë. Efekte financiare kanë nisur që data 1 korrik.
Një vendim i tillë vjen si pjesë e reformës së pagave që qeveria shqiptare ka ndërmarrë këtë vit për punonjësit e administratës, por edhe si pjesë futjes së shërbimeve online nëpërmjet portalit unik e-Albania.