“Gjurmo të vërtetën” është fushata e re e delegacionit të BE-së në Tiranë në luftën kundër keqinformimit dhe lajmeve të rreme. Përmes saj u bëhet thirrje gazetarëve dhe përdoruesve të mediave sociale në veçanti, të ndjekin dhe saktësojnë informacionin.
“Delegacioni i BE për vite me radhë ka mbështetur gazetarinë dhe komunitetin e kontrollit të fakteve sepse ështe e rëndësishme të gjurmosh dhe t’i saktësosh ato. Njerëzit janë kosumatorë të mëdhenj të medias sociale.
“Gjurmo të vërtetën” vlen dhe për ne si konsumatorë dhe përdorues të medias sociale. Ajo çfarë po bëjmë sot përmes këtij tuneli dhe një faqeje të posaçme në internet synon të ndihmojmë njerezit të jenë të vetëdijshëm dhe vigjilent, të kontrollojnë faktet dhe të vërtetën”, deklaroi Ambasadorja e BE-së në Tiranë, Christiane Hohmann.