Kryetari i grupit parlamentar dhe drejtues politik i PS-së për qarkun e Fierit, Taulant Balla është ndalur sot në Lushnje ku ka vijuar fushatën e mbjelljes së pemëve, motoja e zgjedhjeve të 14 majit për PS-në. Ai tha se kjo fushatë do të mbahet mend si fushata që i bën mirë mjedisit dhe se historia e kahershme të posterave që viheshin nëpër mure të marrë fund.
“Kemi transferuar nga fondi ynë i fushatës një pjesë të mirë të fondit për mbjellje të pemëve në çdo bashki. Jam shumë i kënaqur që në Lushnje numri i pemëve të mbjella deri tani është i lartë dhe ne do të vazhdojmë me intensitet deri më 14 Maj për t’u kujtuar kjo fushatë si një nga fushatat që i bën mirë mjedisit dhe t’i japim fund historisë së kahershme të posterave që viheshin nëpër mure deri kur të vinte fushata tjetër”,-tha Balla.