Mbrëmjen e sotme, PD ka ndërmarrë një angazhim serioz për të shpërndarë në të gjitha strukturat e anëtarësisë intervistën e kryedemokratit Lulzim Basha.
Por jo të gjithë kanë qenë aq të kujdesshëm me porositë e shtabit të Bashës ku kreu i PD-së në Sarandë Hariz Mema kishte neglizhuar porosinë.
Kjo bëri që ai të rikujtohej sërish nga të ashtëquajturit shtabi i Bashës. Përmes një mesazhi atij i kërkohej që të shpërndante në llogarinë e tij zyrtare në Facebook videon e emisionit në mënyrë që të merrte sa më shumë like.
Mema, duke mos i kushtuar shumë rëndësi leximit të mesazhit, e vendosi atë bruto duke zbuluar edhe porositë.
Në vend të shpërndante videon, Mema ka shpërndarë dhe mesazhin urdhërues që i ka ardhur nga selia qëndrore e PD.