‘Gati ushtria’/ Pas thirrjes së Vuçiç avioni luftarak serb fluturon drejt Kosovës

Një avion ‘MIG 29’ i ushtrisë serbe fluturoi sot mbi Novi Pazar drejt kufirit me Kosovën, shkruan Zëri.info. Presidenti serb Aleksandër Vuçiç urdhëroi gatishmërinë luftarake të ushtrisë serbe pas ndërhyrjes së njësive speciale të policisë së Kosovës në veri dhe arrestimit të serbëve. “Nëse ka ndonjë rrezik për rendin dhe jetën e njerëzve në veri të Kosovës, ushtria jonë do të mbrojë popullin tonë”, tha presidenti serb. Nga kazermat e Ushtrisë së Serbisë në Kralevë, rreth orës 14:00, një kolonë e automjeteve ushtarake, të mbushura me njerëz dhe pajisje, filluan të dalin.