Ekipet e shpëtimit në zonën El Wahda të Gazës kanë nxjerrë 5 fëmijë të cilët kishin mbetur të bllokuar nën rrënoja pas një sulmi ndaj një ndërtese mbrëmjen e djeshme nga Izraeli.
Ata janë në kërkim edhe të shumë personave të tjetër të cilët kanë humbur, ndërsa në fotot e mëposhtëme shihen teksa marrin fëmijët e vegjël në krahë dhe i dorëzojnë të prindërit e tyre. Deri më tani mediat vendase kanë konfirmuar 41 fëmijë të vrarë nga sulmet si dhe shumë të tjerë plagosur. Disa fëmijë të tjerë janë ende në kërkim.
Çfarë po ndodh?
Lufta mes Izraelit dhe Palestinës ka nisur që prej të hënës dhe deri më tani bilanci është 158 viktima, mes tyre 41 fëmijë dhe mbi 1000 të plagosur. Deri më tani është shkatërruar me raketë godina e Al Jaseera dhe Assosiated Press në Gaza. Ende nuk është raportuar se sa viktima apo të lënduar kishte nga ky shpërthim i cili ishte i paralajmëruar. Lufta nisi pas tensioneve për pronat e palestinezëve në Jeruzalemin lindor dhe urdhërit të autoriteteve për ti dëbuar. OKB dhe SHBA kanë bërë thirrje për armëpushim por Izraeli nuk pranon. Netanjahu ka deklaruar se Izraelit nuk i intereson një armëpushim në këtë moment.