Ish-ministri i Brendshëm Sandër Lleshaj ka thënë prerë se për moralin e tij si njeri nuk mund të flasë askush dhe nuk mund ta ketë asnjë njërit tjetër përveç tij këtë tagër.
Lleshaj u përball me akuza nga studioja ku u përmend çështja e blerjes së makinës luksoze gjatë kohës që ai ishte Ministër i Brendshëm, që u cilësuan si ‘gjynahe’ nga gazetari Elton Qyno dhe specialisti i kriminalistikës, Ervon Karamuça.
Por, vetë Lleshaj tha se termi ‘gjynahe’ nuk i përket aspak, por as për moralin se gjykon dot njeri. Ish-ministri shtoi se pikërisht se është njeri me moral ka dhënë dorëheqjen nga detyra e tij, për të vënë disa standarde morali, që sipas tij, vendit tonë i mungojnë.
“Moralin tim e gjykoj vetëm unë dhe nuk ka askush tjetër tagër që të më gjykojë. Pikërisht sepse kam moral kam dhënë dorëheqjen, kam dhënë dorëheqjen pikërisht për të vendosur një standard moral që kësaj shoqërie i mungon dhe ka për t’i munguar dhe për shumë kohë. Termi gjynah nuk më përket fare, mos e thoni,”- tha Lleshaj.