Marina Ovsyannikova, gazetarja që protestoi kundër pushtimit të Ukrainës në një transmetim televiziv shtetëror rus, theksoi të dielën se shumë civilë rusë janë kundër luftës së pamëshirshme të Presidentit Vladimir Putin.
“E dini, para së gjithash, dua t’u them të gjithëve: populli rus është me të vërtetë kundër luftës,” i tha ajo prezantuesit George Stephanopoulos në “This Week” në ABC. “Është lufta e Putinit, jo lufta e popullit rus”, theksoi ajo.
Më 14 mars, Ovsyannikova doli në një transmetim të drejtpërdrejtë në Channel One – një media kryesore shtetërore e lajmeve në vend – me një poster ku shkruhej: “Ndaloni luftën, mos i besoni propagandës, ata po ju gënjejnë”
Më pas ajo u arrestua, u mor në pyetje dhe u gjobit përpara se të lirohej të nesërmen.
