Aktori Gent Zenelaj thotë se ai është një mbështetës i protestave studentore, por gjatë këtyre ditëve është kërcënuar dhe është fyer me fjalorin më brutal. Ai nuk përmendi cilët janë personat që e kanë telefonuar dhe e kanë sharë me fjalor rrugëcëror. Zenelaj thotë se sistemi arsimor në vend ka dështuar. “Kushtet në Qytetin Studenti dihen. Kam qëndruar atje katër vjet. Askush nuk mund t’i fshehë kushtet e rënda”, nënvizoi aktori i njohur.
Ai akuzoi se drejtuesit e arsimit, në të gjitha nivelet, kanë punësuar në këtë sektor të afërmit e tyre, duke lënë jashtë sistemit të shkolluarit dhe ata që e meritojnë të punojnë në arsim.
Zenelaj foli kështu në emisonin Tempora në Ora Tv.