Dëshira e Cristiano Ronaldos për të lënë Manchester United është bërë e qartë, megjithatë është e paqartë se ku do ta shohim yllin e futbollit në sezonin e ri. Janë aluduar disa klube dhe njëri prej tyre është pikërisht Atletiko Madrid. Partnerja e tij, Georgina i ka shtuar dyshimet, pasi ka bërë “follow” në Instagram gruas së trajnerit të “Los Colchoneros” Diego Simeones, Carla Pereyra-s. Ka mjaftuar ky veprim që të ndizen zërat për largimin e mundshm të portugezit në Estadio Wanda Metropolitano.
Cristiano nuk do të kthehet në Juventus dhe Paris Saint-Germain e ka përjashtuar prej kohësh mundësinë. Të njëjtën gjë ka bërë edhe Bayern Munich.
Prandaj, Atletico duket se është alternativa më e mirë për yllin portugez, dhe ai gjithashtu do të rikthehej duke luajtur në Madrid, një qytet që ai e do.
