Juristi Romeo Karaj vlerëson se procesi për çështjen “Gërdecit” ka ecur shumë ngadalë.
Në një intervistë për ABC News, Karaj u shpreh se Shkëlzen Berisha duhej të ishte i pandehur, e jo të thirrej si dëshmitar.
“I gjithë procesi po shkon me shumë ngadalësi, është peng i një perceptimi që, është arritje e madhe që personat që quhen të paprekshëm si familja Berisha, një prej tyre, Shkëlzen Berisha, më në fund po shkon dëshmitar. Ndërkohë që e gjithë bota, në mjaft artikuj, në gjithë këto vitet e fundit, e kanë përmendur atë si kokën e korrupsionit, që qëndron pas kësaj tragjedie, pra që i ka paraprirë kësaj tragjedie. Unë nuk e kuptoj, për çfarë arsye ky nuk merret i akuzuar, por merret dëshmitar. Pra, nuk na bën një nder të madh dhe nuk kemi ndonjë satisfaksion të madh sa po e shohim më në fund, të nderuarin Shkëlzen Berisha që po merret dëshmitar.”