Ish-kryeministri Sali Berisha ka komentuar vrasjen e Klodian Rashës nga efektivi i policisë. Ai u shpreh se Edi Rama u kthye e pagoi gjakun me një pension të tetëfishtë.
“Edi Rama bëri zgjidhje kanunore, në pamje të parë. Në Kanun gjaku merret dhe gjaku paguhet. Ky është kanuni. Edi Rama u kthye e pagoi gjakun me një pension të tetëfishtë. Më pas jo si kryeministër, por si kryetar i klanit të mafias e shpalli vrasjen shtetërore aksident. Këtu kanuni nuk të lejon nëse paguan gjakun e ke njohur e respekton dhe zhdëmton atë që ke bërë, port a quash aksident vetëm në shpellat e mafies, kryekumbari i mafias mund të veprojë në këtë mënyrë. Nuk kishte pse të ndryshonte ligjin por ta deklaronte vrasje shtetërore e si e tillë, shteti merr përsipër për ta zhdëmtuar thellësisht familjen e të ndjerit. Kjo ishte e vërteta”, u shpreh Berisha për Ora News.