Policia njofton se një 45 vjeçar është gjendur i pajetë në kamionin e tij në Doganën e Vlorës. Nga këqyrja paraprake nuk konstatohen shenja dhune, ndërsa dyshohet se humbja e jetës ka ardhur si pasojë e një ataku kardiak.
“Më datë 14.01.2020, rreth orës 18:20, në Doganën e Vorës, është gjetur pa shenja jete një shtetas ende i paidentifikuar, rreth moshës 45-vjeç, brenda mjetit tip kamion që drejtohej prej tij.
Nga këqyrja paraprake nuk konstatohen shenja dhune, ku dyshohet se humbja e jetës ka ardhur si pasojë e një ataku kardiak.
Grupi hetimor dhe sherbimet e Policisë ndodhen në vendngjarje dhe po punojnë për zbardhjen e plotë të rrethanave të ngjarjes”, thuhet në njoftimin e policisë.