Një minë detare është gjetur mëngjesin e sotëm nga një peshkarexhë që kishe dalë për të peshkuar në gjirin e Vlorës.
Bëhet me dije se menjëherë pas konstatimit janë njoftuar ekipet xheniere, të cilat bënë të mundur ngjitjen në peshkarexhe dhe nxjerrjen e saj në breg. Mina duket e modeleve të vjetra, ndërsa pritet ekspertimi i saj për të kuptuar se cilës periudhe i përket.
Pritet që mina të shkatërrohet me shpërthim të telekomanduar në mënyrë që të mos përbëjë rrezik për qytetarët.