Prej dy ditësh (4-5 prill) po zhvillohet në Gjenevë Forumi i dytë i Kryetarëve të Bashkive nga e gjithë bota.
Forumi i Kryetarëve të Bashkive është një platformë për shkëmbim të vazhdueshëm dhe të ndërsjellë eksperiencash. Në këtë forum, kryetarët e bashkive nga e gjithë bota do të paraqesin përpjekjet që kanë bërë për të trajtuar sfidat në qytetet e tyre.
I pranishëm në këtë forum ka qënë edhe kryebashkiaku i Matit, Agron Malaj. Përmes një postimi në rrjetet sociale, Malaj ka ndarë foto nga punimet në këtë forum, duke u shprehur se diskutimet kanë patur fokus zhvillimin e qëndrueshëm dhe rritjen e mundësive për komunitetet.
Postimi i kryebashkiakut Malaj:
#Gjenevë në forumin e dytë të Kryetarëve të Bashkive në të gjithë botën. Sfidat me të cilat përballet pushteti vendor dhe diskutime për zhvillimin e qëndrueshëm dhe rritjen e mundësive për komunitetet.
Ndjekja e praktikave më të mira të njëri-tjetrit, në fushën e infrastrukturës, ndërtimeve e banesave, klimës, sfidës për qyteteve të gjelbra, transportit të qëndrueshëm urban dhe sigurisë rrugore janë edhe disa nga temat e këtij Forumi që zhvillohet në Gjenevë.
Në sesionin e tij të 80-të, Komiteti i UNECE për Zhvillimin Urban, Strehimin dhe Menaxhimin e Tokës ra dakord t’i kushtonte një nga tre ditët e sesionit të Komitetit diskutimeve në lidhje me dhe duke përfshirë pjesëmarrjen e autoriteteve lokale, veçanërisht kryebashkiakëve, duke ndjekur një format të ngjashëm me ‘Dita e Qyteteve’.
Kujtojmë se Mati është një bashkitë në të cilat janë implementuar një sërë projektesh të rëndësishme në infrastrukturë, në rehabilitimin e venddepozitimit të mbetjeve, turizëm dhe jo vetëm.