Mendohet se mbi 123,000 refugjatë ukrainas kanë mbërritur në Gjermani që nga fillimi i luftës në Ukrainë në 24 shkurt. Sipas Ministres së Jashtme gjermane, mungesa e kontrolleve kufitare në kufirin e vendit me Poloninë nga vijnë shumica e refugjatëve ukrainas mund të nënkuptojë se numri është dukshëm më i lartë.
Gjermania është duke bashkëpunuar me aleatët e saj për të transportuar nga ajri njerëzit që kanë ikur nga Ukraina në vendet më të largëta. Ndërsa vendet fqinje të Ukrainës luftojnë për të përballuar të gjithë ardhjet e reja nga vendi i goditur nga lufta, tha Ministrja e Jashtme, Annalena Baerbock.
Në një konferencë të përbashkët me homologun e saj moldav, Baerbock deklaroi para gazetarëve në Kishinau se Gjermania do të pranojë 2,500 refugjatë nga Ukraina që janë aktualisht në Moldavi.
Sipas të dhënave nga Komisioneri i Lartë i OKB-së për Refugjatët, 2.5 milionë njerëz janë larguar nga Ukraina që nga sulmi rus në Ukrainë.