Një operacion anti-drogë i ndërmarrë nga policia gjermane ka shkatërruar një bandë shqiptare të trafiku të drogës. Nga ky operacion, kanë rënë në pranga 13 persona mes të cilëve edhe disa shqiptarë.
Mediat gjermane bëjnë me dije se operacioni është zhvilluar për 8 muaj me radhë duke ndërhyrë në 12 zona të ndryshme të Krefeld dhe në një objekt në Viersen.
Sipas mediave mësohet se hapat e para të bandës janë zbuluar nga autoritetet franceze, të cilët kanë dekriptuar programin Encrochat ku komunikonin trafikantët dhe pas 8 muaj hetimesh është bërë i mundur ndalimi i tyre.
Gjithashtu nga ky operacion u sekuestruan 12 kg kokainë me vlerë rreth 600 mije euro, 3 kg marijuanë me vlerë rreth 30 mijë euro dhe 250 mije euro cash, ora e bizhuteri me vlere si dhe monedha floriri.
Ndërkohë gjatë kontrollit në banesën ku jetonin të arrestuarit është sekuestruar një Mercedes me vlerë 100 mijë euro dhe një Volvo me vlerë 40 mije euro u sekuestruan si asete kriminale.