Në një kohë që Shqipëria, Serbia dhe Maqedonia e Veriut hezitojnë që të marrin pjesë në Samitin e BE-së, i dërguari i qeverisë gjermane për Ballkanin Perëndimor, Manuel Sarazin, thotë se unioni duhet të bëjë të besueshëm formulën e zgjerimit në Ballkanin Perëndimor.
Duket se nuk do të ketë progres as me çeljen e negociatave me Maqedoninë e Veriut dhe Shqipërinë. A nuk duhet të ndahen dy kandidatët dhe të fillojnë negociatat me Shqipërinë?
Ju sapo folët për dezinformimin rus. Maqedonia e Veriut do të jetë një objektiv kyç i dezinformatave ruse, por jo vetëm, gjë që për ne mund të jetë krah strategjikisht i hapur ndaj ndikimeve. Prandaj është jashtëzakonisht e rëndësishme për momentin që më në fund të çelen negociatat me të dyja vendet.