Publikohen dokumentet zyrtare të Doganës Shqiptare, të cilat konfirmojnë marrjen e sasisë së parë të vaksinave nga Gjermania.
Ngarkesa ka mbërritur në doganen e Rinasit, një ditë më parë, pra transporti është kryer me avion.
Dokumenti tregon gjithashtu se rreth një mijë doza janë marrë nga dega e kompanise “Phizer-BionTech” në Gjermani. Ndërkaq për këtë çështje ka reaguar edhe vetë ambasada e Gjermanisë në vendin tonë.
“Ambasada nuk disponon deri tani informacione të mëtejshme në lidhje me vaksinën e dërguar më 11 janar 2021.Gjermania e ka mbështetur Shqipërinë në përballimin e pandemisë së COVID-19 e angazhuar dhe ne mënyra të ndryshme.
Kjo ka ndodhur (dhe po ndodh ende) përmes dhurimeve materiale dhe trajnimeve në fushën mjekësore, ndihmës së drejtpërdrejtë për shtresat në nevojë te popullatës dhe përmes një pakete prej më shumë se 10 milionë eurosh, ndër të tjera për këshillimin e ndërmarrjeve të vogla dhe të mesme për riorganizimin pergjate krizës si dhe financimin shtesë te Rural Credit Guarantee Foundation.”