Julian Nagelsmann debutoi me fitore në stolin e Gjermanisë, vendi mikpritës i Euro 2024. Përfaqësuesja gjermane triumfoi 3-1 me përmbysje ndaj Shteteve të Bashkuara të Amerikës të shtunën në Konektikat.
Vendasit shënuan të parët me Pulisic, por kapiteni i miqve Gundogan barazoi rezultatin para pushimit mes dy pjesëve. Gjermanët që u treguan superiorë në çdo aspekt realizuan edhe 2 herë me Fullkrug dhe Musiala në pjesën e dytë.
Gjermania ka planifikuar edhe një tjetër miqësore me Meksikën të mërkurën në Penslivani. Përfaqësuesja gjermane do të luajë në nëntor edhe me Turqinë dhe Austrinë si pjesë e përgatitjeve për Kampionatin Europian.