Pas takimit në Berlin me zv.ministrin e Jashtëm Gent Cakaj, Sekretari i Shtetit në Ministrinë e Jashtme gjermane, Michael Roth flet për situatën në Shqipëri duke e vënë theksin tek nevoja për dialog në të mirë të vendit. Ndërkaq, Roth përsërit dhe njëherë tjetër qëndrimin e qeverisë Gjermane e cila është kategorisht kundër një opsioni për shkëmbimin e territoreve Kosovë-Serbi.
“Polarizimi ndërmjet opozitës dhe qeverisë nuk është një fenomen shqiptar, por e konstatojmë me keqardhje edhe në shumë vende të tjera në tranzicion. E konsiderojmë të papërgjegjshëm bojkotin e parlamentit nga partitë opozitare. Sepse nuk është vetëm bojkot kundër parlamentit ose i qeverisë, por edhe ndaj demokracisë. Parlamenti është vendi, ku duhet bërë debati. Kam frikë se atmosfera është helmuar aq shumë sa që nuk do të ketë më dialog mes partive të opozitës dhe qeverisë, edhe pse ky dialog është shumë i nevojshëm” është shprehur Roth në një intervistë për DW.
Më tej, Ministri gjerman për Europën ndalet dhe tek zhvillimet në rajon dhe vecanërisht tek cështja e Kosovës. Mjaft I prerë ka qenë Roth teksa ka përsëritur qëndrimin kundër një marrëveshje të mundhme për shkëmbim territoresh.
“Biseduam edhe për normalizimin e marrëdhënieve Serbi-Kosovë, dhe e bëra edhe njëherë të qartë se Qeveria Federale e hedh poshtë mundësinë e shkëmbimeve territoriale si një opcion tejet të rrezikshëm”, nënvizon ai.