Policia e Gjirokastrës arrestoi këtë të martë një 58-vjeçar i cili akuzohet për dhunë ndaj kunatës së tij. Sipas policisë, i arrestuari ka ushtruar dhunë fizike dhe psikologjike ndaj kunatës së tij.
Policia njofton:
“Specialistët e Seksionit për Hetimin e Krimeve në Komisariatin e Policisë Gjirokastër arrestuan në flagrancë shtetasin B. B., 58 vjeç, banues në Gjirokastër, pasi ka ushtruar dhunë fizike dhe psikologjike ndaj kunatës së tij (bashkëshortes së vëllait), shtetases K. B.”
Materialet proceduriale në ngarkim të shtetasit B. B. i kaluan Prokurorisë pranë Gjykatës së Shkallës së Parë Gjirokastër, për veprën penale “Dhuna në familje”.