GJKKO ka bërë me dije se ka pushuar padinë për shpifje të bërë nga Lulzim Basha kundër Erion Veliajt. Togat e zeza pushuan çështjen pasi nuk është paraqitur as Basha dhe as avokatët e tij.
Në padi argumentohej se Veliaj, si drejtues i fushatës së Partisë Socialiste për Tiranën, ka bërë 3 akuza konkrete, duke shpifur për kundërshtarin politik, me qëllim që t’i dëmtojë imazhin Bashës.
Padia konsideronte si 3 shpifje të Erion Veliajt akuzat se: Kryetari i PD-së u bë me 4 shtëpi, gjatë tërmetit dhe pandemisë, se ka përfituar gjatë periudhës së fatkeqësisë dhe se ka ndërtuar pa leje.